45 mín. hóptími með einfaldar styrktaræfingar á stöðvum sem framkvæmdar eru á og við stól.
Æfingarnar henta þeim sem þurfa að fara rólega og er lögð áhersla á að bæta styrk og færni í daglegu lífi.

Sundleikfimi í Akureyrarlaug er ætluð fólki sem er í endurhæfingu hjá Sjúkraþjálfun Akureyrar.  Gerðar eru fjölbreyttar æfingar í vatni sem þjálfa allt í senn liðleika, úthald og styrk.

Marjolijn er Hatha yoga kennari og leggur áherslu á í gegnum jóga að auka hreyfanleika í liðum, styrkja vöðva sem styðja við liðina, róa taugakerfið í gegnum hægar hreyfingar og öndun og róa taugakerfið. Jóga hefur marga kosti og hentar vel fyrir flesta sem eiga við verkjavanda að stríða.

Bakheilsutímarnir eru hugsaðir fyrir alla þá sem glíma við vandamál í baki og mjöðmum eða hafa farið í aðgerðir á því svæði. Það verður farið í gegnum stutta fræðslu og síðan unnið með æfingar, líkamsstöðu og aðferðir til að beita sér í daglegu lífi.

Klassískt hreyfiflæði þar sem við liðkum og styrkjum bandvefskerfi líkamans með fjölbreyttum hreyfiflæði æfingum og endum á dásamlegri slökun.

Fjölbreytt styrktarþjálfun þar sem unnið er með helstu vöðvahópa líkamans í formi stöðvaþjálfunar í bland við ýmsar útgáfur af jafnvægis æfingum. Hver tími hefst á léttri upphitun og sérhæfðum æfingum fyrir djúpvöðvakerfi líkamans sem allir hafa gagn af.

Mjúk, styrkjandi og liðkandi leikfimi fyrir 65+ ára konur með stoðkerfisvanda og vilja reglulega þjálfun. Í boði að æfa einu sinni til tvisvar í viku.

Styrktarþjálfun með teygjum og léttum handlóðum með áherslu á að styrkja kvið, bak og mjaðmir sem er þessi sterka miðja eða “kjarni” sem við vinnum allar hreyfingar út frá.

Sérstakir tímar fyrir ME/CFS/Long Covid greinda þar sem áhersla er lögð á að slaka á taugakerfinu, losa um spennu í bandvefskerfinu, örva sogæðakerfið og djúpa öndun. Lokaður hópur en hægt að senda fyrirspurn um pláss á umsjónarþjálfara.

Skemmtileg og fjölbreytt hópþjálfun með áherslu á styrktaræfingar í bland við létta þolþjálfun. Hóptíminn er fyrir alla sem vilja koma hreyfingu inn í daglega rútínu hjá sér og upplifa aukið þrek til að takast á við daginn. Í boði tvisvar í viku.

Hópþjálfun sem hugsuð er fyrir þá sem glíma við hreyfi- eða verkjatengd vandamál í öxlum. Þetta eru rólegir tímar þar sem hver og einn vinnur á sínum hraða með æfingar við hæfi hvers og eins.

Fjölbreytt styrktarþjálfun í bland við liðkandi æfingar fyrir karlmenn á öllum aldri. Tímarnir byggja fyrst og fremst á stöðvaþjálfun þar sem unnið er með ketilbjöllur, handlóð og teygjur.

Jóga Nidra er slökunaraðferð þar sem líkami og hugur komast í ástand djúprar hvíldar á meðan meðvitundin er vakandi. Getur hentað þeim sem þurfa að draga úr streitu, róa taugakerfið og stuðla að betri svefni.

Rólegir hóptímar sem stuttum vinnulotum þar sem við þjálfum jafnvægiskerfi innra eyra , fallviðbrögð og stöðugleika. Tímarnir henta öllum þeim sem glíma við væg til miðlungs mikil einkenni og ganga án hjálpartækja.